Drejtuesja politike e PD-së për Sarandën, Ina Zhupa, ka denoncuar Eco Campusin në Sarandë, për të cilin thotë se nuk vihet në funksion të nxënësve.
Më tej, deputetja Zhupa thotë se kjo godinë do të kthehet pjesë e një kompleksi rezidencash.
“Në shtator, dëshironi një shkollë të re, e cila është në funksion të nxënësve të Sarandës apo këtë gërmadhë të lënë pa funksion mbi 7 vjet dhe të paguar 348 milionë lekë nga taksat tuaja?! Kam 4 vjet që e denoncoj Eco Campusin si një shkollë që nuk vihet në funksion të nxënësve të Sarandës dhe historia do të vazhdojë akoma.
Kjo godinë do shndërrohet pjesë e një kompleksi rezidencash për qeveritarët dhe klientët e tyre.
Ndaj prindërit e Sarandës e kanë zgjedhjen me 11 maj. Ose do të votojnë numrin 1 dhe do të votojnë alternativën që e kthen në një shkollë funksionale dhe i jep zgjidhje përfundimtare mësimit me 2 turne dhe pa cilësi në Sarandë ose mbajnë gërmadhën, mbajnë klientët e pushtetit dhe mbajnë një qeveri që i vjedh.
Zgjedhja është e juaja! VOTO NUMRIN 1″, shkruan Zhupa.
Discussion about this post