Seanca plenare e kësaj të hëne është shoqëruar me debate dhe ironi mes deputetit të Partisë Demokratike, Saimir Korreshi, dhe kryetarit të Kuvendit, Niko Peleshi.
Gjatë fjalës së tij, Korreshi kritikoi mënyrën e zhvillimit të seancës dhe hodhi akuza ndaj mazhorancës, duke përdorur edhe tone ironike për Rregulloren e Kuvendit.
“Nëse e keni bërë për letër higjienike, ta bëni më të hollë se na gërric. S’jemi punonjësit tuaj, nëse jua kanë thënë, ju kanë gënjyer”, u shpreh deputeti demokrat.
Korreshi akuzoi gjithashtu qeverinë se po dezinformon qytetarët në lidhje me fondet IPARD, duke deklaruar se “këto përralla me mbret” nuk qëndrojnë.
Nga ana tjetër, kryetari i Kuvendit, Niko Peleshi, i kërkoi deputetit të respektojë etikën parlamentare, duke iu përgjigjur: “Shokun kryetar shko takoje aty ku ke shokët. Këtu nuk është seanca e Koncertit Folklorik.”
DEBATI
Korreshi: E mira është që të marrësh dhe pak vesh këtej nga salla, se për ty po flasim. O shoku kryetar, alo…alooo. Shoku kryetar…
Peleshi: Shokun kryetar shko takoje aty ku ke shokët. Këtu nuk është seanca e Koncertit Folklorik.
Korreshi: Kur flasim drejtohemi me ju-ty, juve-ju për këtë rregullore se e votuam me pompozitet. Nëse e keni bërë për letër higjienike, ta bëni më të hollë se na gërric. Na bëni në mëngjes, orë pilafi, sot ditë ligjesh, kur ka seancë. I dini ku këto gjëra që ndodhin në Kuvend? Vini këtu dhe na mallëngjeni! S’jemi punonjësit tuaj, nëse jua kanë thënë, ju kanë gënjyer. Opingat do të hapen fondet e IPARDIT. Ndaj këto përrallat mos na i tregoni neve. E di si shmanget retorika, kur Marta Kos mos të bëhet dhallë, të flasë tamam. Ndaj mos të na tregoni përralla me mbret. Ky nuk është parlament dhe ne nuk jemi punëtorët tuaj. Ato ligjet që kemi ne, rrëzojeni, por duhet të jenë këtu në Kuvend.
Discussion about this post