“Foltorja” e Elbasanit e organizuar nga ish-kryeministri Sali Berisha ka mbledhur rreth saj demokratët e këtij qarku, ku ajo që bie në sy është edhe prezenca e deputeti Luçiano Boçit.
Mbështetësit e Sali Berishës janë mbledhur në sheshin para “Teatrit Skampa”, të cilët shprehen se, Basha duhet të ikë pasi i gënjeu gjatë gjithë kohës në krye të PD-së dhe se Berisha po vjen për ta rikthyer PD-në në pushtet.
Gjithashtu “Foltores” i është bashkuar edhe sekretari i PD-së, Blendi Himci i cili u shpreh se është pro hapjes së Partisë Demokratike.
Kjo është “Foltorja” e gjashtë e ish-kryemintsrit, ndërsa priten edhe pesë takime të tjera.
