Franca luan ndaj Belgjikës në gjysmëfinale të Nations League. Një fitore ndaj belgëve i dërgon në finale “gjelat” ku do të përballeshin me fituesin e çiftit Itali-Spanjë. Në vigjilje të kësaj përballje trajneri Didier Deshamp ka theksuar:
“Dikur ishin vetëm europiani e Botërori, ndërsa tani është edhe Nations League. Pas dështimit në europian, duam të tregojmë se jemi ende kampionët e botës, ndaj do të kërkojmë të fitojmë për herë të parë këtë kompeticion. Luajmë me skuadrat më të mira të botës dhe e dimë këtë, por edhe ne nuk mbetemi mbrapa, ndaj do të kërkojmë ta bëjmë tonin këtë trofe”, u shpreh trajneri Deschamps.
