Në seancën paraprake në Gjykatën Themelore në Prizren, Dibran Hoxha i njohur me nofkën “Kobra”, i cili dyshohet për vrasjen e së martës në Prizren, tha se vëllai i tij, Enver Amrallahu, nuk kishte qenë në vendin e ngjarjes në momentin kritik, por erdhi më pas, sepse dikush i kishte thënë se e kanë vrarë atë (Hoxhën).
Ai tha se pajtohet me fjalët e avokatit të tij, Nexhat Elshani, ndërsa theksoi se i pandehuri Enver Amrallahu në momentin kritik nuk ka qenë në vendin e ngjarjes.
“Pajtohem me fjalët e avokatit, veç deshta me shtu diçka në lidhje me Enver Amrallahun, ky është vëllau prej nanës. Ky ka ardhë masi ka ndodhë, masi ka ni prej tjerëve që ka ndodh diçka në lokal, ka ardhë masi me policinë mrapa krejt kur janë marrë deklaratat krejt, kanë ardhë e kanë nxanë aty si vlla”, tha i dyshuari Hoxha.
Amrallahu është një prej të arrestuarve dhe akuzohet si bashkëpunëtor i Hoxhajt për ngjarjen e rëndë ku mbeti i vrarë 31-vjeçari nga Kukësi, Visart Cengu dhe u plagos shoku i tij, Rufgen Shehu.
Discussion about this post