Ramazan Rraja, i shpallur në kërkim për atentatin ndaj ish prokurorit Arjan Ndoj është arrestuar nga policia. Rraja sapo ishte kthyer nga Dubai. SPAK ka mundur të sigurojë informacione se ai ka mbërritur në Shqipëri, e ka mbajtur nën vëzhgim dhe më pas është vënë në pranga.
Ai është kapur tek Ura e Gjolës ku ka qenë vetëm në një cep të rrugës. Sipas burimeve mediatike, dyshohet se ka qenë duke pritur ndonjë person tjetër.
Në atë moment është ndërhyrë nga policia për arrestim. Më herët janë arrestuar edhe Genti Ndërjaku alias Kili Ndërjaku, Bashkim Haxhia, Marsel Decka, Endrit Sinani, e Juljan Pjetri.
Ndërkohë Plarent Dervishaj, Julian Mece dhe Dritan Shkëmbi, janë ende të shpallur në kërkim si organizatorë të atentatit.
Discussion about this post