Deputeti Kasem Mahmutaj ka deklaruar se Partia Demokratike duhet të futet të zgjedhje të brendshme. Gjatë mbledhjes së Grupit Parlamentar të PD-së, Mahmutaj ka thënë se debatit brenda mbledhjes i jep fund vetëm vota.
“Duhet një garë e hapur, të gjejmë kush e bashkon nëpërmjet zgjedhjeve. Ne mund të flasim gjithë natën por këtij debati i jep fund vota.“-tha Mahmutaj.
Deputetët e Partisë Demorkatike kërkojnë largimin e Lulzim Bashës nga posti i kryetarit! Të gjithë me radhë kanë shprehur zhgënjimin e tyre nga drejtuesi i PD-së pas humbjes së thellë në zgjedhjet e 6 marsit, ku PD-ja nuk mori asnjë bashki. Zhgënjimet u panë që në nisje të mbledhjes së grupit parlamentar të PD-së, rreth orës 16:30. Në hyrje të selisë blu, i pari që dha koment ishte deputeti Ervin Salianji, i cili e konsideroi të tmerrshme këtë ditë.
Pas tij, u fut Kreshnik Çollaku që nuk bëri komentet, ndërsa kreu i grupit, Enkelejd Alibeaj kërkoi që gazetarët të mos e pengonin e t’i hapnin rrugën. Nënkryetarja e PD-së, Grida Duma kërkoi që të mbahej përgjegjësi. E ndalur në hyrje të selisë blu para gazetarëve, Duma tha se kjo situatë ishte dëshpëruese. Vetë Basha nuk e pranon humbjen! Edhe para deputetëve njësoj si para kamerave tha se ai nuk kishte humbur asnjë betejë, por që zgjedhjet e 6 marsit ishin vjedhur. Madje demokratëve u tha se zgjedhjet e djeshme ishin një kurth që PD-ja të ishte e detyruar të merrte pjesë.
Discussion about this post