Detaje te reja kanë dalë nga dosja hetimore e operacionit të bujshëm të SPAK ku u zbuluan 8 grupe kriminale në Tirane, Durrës dhe Elbasan. Dy vrasje të zbardhura janë ato të Fatmira dhe Elvis Deda ngjarje të ndodhura në vitin 2012 dhe 2013.
Sipas të dhënave, mamaja e Dedës është vrarë nga Talo Çela pasi kërkonte drejtësi për djalin e saj. Ndërsa Elvisi është vrarë nga Henrik Hoxhaj i arrestuar bashkë me Nuredin Dumanin dhe F. Qoli.
Gazetarja Anila Hoxha zbardh për Top Channel disa prej vrasjeve të zbardhura në këtë operacion. Bazuar në dy dëshmitë e Nuredin Dumanit dhe Henrik Hoxhaj, SPAK thotë jo zyrtarisht se ka faktuar se i shumë kërkuari Talo Çela ka eleminuar Fatmira Dedën, një vit pasi viktima kërkonte drejtësi për djalin e saj Elvis Deda që ja vranë dhe nuk po gjente dot autorët.
Këtë të fundit burime të sigurta shtojnë se e vrau shtetasi Henrik Hoxhaj dhe Festim Qoli, mbasi ky i fundit kishte konflikte prone.
Fatmira Deda, u gjet e vdekur më 14 shtator 2013. 60-vjeçarja ishte nëna e Ervis Dedës – i ekzekutuar edhe ai rreth një vit më parë. Ervis Deda ishte i përfshirë në rrjetin e trafikut të drogës në vendet perëndimore.
60-vjeçarja u qëllua me mjete metalike, teksa po futej në garazhin e një pallati pranë banesës saj në lagjen “Skëndërbej” në zonën e Fermentimit për të marrë makinën e saj.
Në momentin që ajo ndodhej e vetme në garazh, disa persona e kanë qëlluar atë me mjete të forta në pjesën e pasme të kokës, duke i shkaktuar vdekjen e menjëhershme, ndërsa autorët e krimit janë larguar në drejtim të paditur./TopChannel
Discussion about this post