Varianti i ri i koronavirusit “Omicron” ka vënë në panik të gjithë botën dhe disa vende kanë shtuar masat kufizuese. Por a do të ndodh e njëjta gjë në vendin tonë? Në lidhje me këtë pikëpyetje ka folur sot Ministrja e Shëndetësisë, Ogerta Manastirliu, e cila tha se për momentin nuk ka asgjë për tu shqetësuar dhe se në vijim të situatës do të rishikohen dhe masat kufizuese. “Në Tiranë e kudo fokusi duhet të jetë te të rinjtë te grupmosha +16 vjeç, pasi siç shihet dhe në vendet e tjera të botës target është mosha e re. Ne duhet që të mundohemi dhe duke bërë sa më shumë apel për vaksinimin e të rinjve. Edhe tani me variantin e ri ka shumë të dhëna që priten në vijim, por ajo që kërkohet nga të gjithë është vaksinimi”, u shpreh ajo.
Gjithashtu ministrja vuri theksin te vaksinimi i të rinjve, kryesisht mbi 16 vjeç, duke thënën se kjo është e rëndësishme për shtrirjen e vaksinimit. “Ne duhet që të zbatojmë dhe masat aktuale, siç është vaksinimi, maskat në ambientet e mbyllura, distanca sociale dhe higjiena. Nuk duhet që të bëjmë panik, por ne po analizojmë zbatimin e masave dhe duke pasur parasysh dinamikën e situatës, do të marrim dhe masat e nevojshme, për të vlerësuar vendimet në të ardhmen”, tha Manastirliu, duke vënë në dukje se vendi ynë në këto javë ka paraqitur situatë të qetë nga Covid-19.
Discussion about this post