Presidenti i Republika Srpska të Bosnje dhe Hercegovinës, Milorad Dodik deklaroi sot se po përgatit një dekret për arrestimin dhe dëbimin e Përfaqësuesit të Lartë në Bosnje dhe Hercegovinë, Christian Schmidt.
Dodik tha se dekreti do të jetë gati dhe që nesër do të hyjë në fuqi, raporton Klix.ba.
“Ne nuk e respektojmë Schmidtin. Që nga mëngjesi i sotëm, ne kemi përgatitur një dekret për arrestimin dhe dëbimin e Christian Schmidt nga Republika Srpska. Nëse hyn në Doboj. Nëse është tranzit, do të përcillet sa më shpejt që të jetë e mundur”, tha ai.
I sanksionuari nga SHBA-ja, Dodik pohoi se kjo rregullore do të aktivizohet nëse Schmidt vjen në Republika Srpska për ndonjë takim apo punë private.
“Nëse ai vjen në një takim në Republika Srpska, ai do të dëbohet”, tha Dodik.
Ai theksoi se stacionet policore do të kenë për detyrë ta zbatojnë këtë rregullore.
“Sapo të marrin vesh se Schmidt është në Republika Srpska, do të kenë për detyrë të organizojnë njësitë për ta nxjerrë jashtë dhe do të jenë të detyruar ta bëjnë këtë”, tha ai.
Në janar të vitit 2021, qeveria gjermane emëroi Schmidt si Përfaqësuesin e Ri të Lartë për Bosnjë dhe Hercegovinën pasi dha dorëheqje diplomati austriak, Valentin Inzko. Rusia dhe Kina kishin kundërshtuar emërimin e Schmidt, nuk e njohin ligjshmërinë dhe legjitimitetin e zgjedhjes së Schmidt dhe refuzojnë të njohin autoritetin e tij.
Në nëntor të vitit 2021, Schmidt i dorëzoi raportin e parë Sekretarit të Përgjithshëm të Kombeve të Bashkuara, duke paralajmëruar se Bosnja dhe Hercegovina rrezikon të ndahet ndërsa mund të kemi edhe një konflikt të ri dhe paralajmëroi se nëse kjo ndodh, prania ushtarake ndërkombëtare duhet të rishikohet.
Discussion about this post