Dogjën një makinë në Tiranë, policia identifikon autorët

Policia ka zbardhur ngjarjen e ndodhur më 4 janar në zonën e Unazës së Re në kryeqytet, ku u dogj një automjet.

Ngjarja fillimisht u raportua si aksidentale, por nuk rezultoi e tillë, pas hetimeve të kryera.

Në kuadër të operacionit policor të koduar “Fire”,  u shpallën në kërkim dy persona nga Maqedonia e Veriut.

Nga veprimet hetimore të kryera ka rezultuar se këta shtetas, në bashkëpunim me njëri-tjetrin, në rrugën “Astrit Losha”, për motive të dobëta, kanë djegur automjetin e një shtetaseje.