Belind Këlliçi, ish-deputet i PD dhe drejtues politik i degës së Tiranës, ka publikuar mbrëmjen e sotme një tjetër dokument, që tregon se ku kanë shkuar 13 milionë euro të paguara për inceneratorin e Tiranës.
Nga studio e emisionit ‘A Show’, Këlliçi sqaroi se referuar dokumentit kompania që ka përfituar milionat është “Eco Parku” dhe ajo e Klodian Zotos.
“Para pak ditësh është bërë publik bilanci i vitit 2022 për inceneratorin e Tiranës. Mënyra se si janë zhdukur paratë, meqë SPAK nuk di se ku kanë shkuar paratë.
Këtu kemi disa pagesa për disa punë të parapaguara dhe të pakryera. Rezulton se subjekti ‘De Mare’ është paguar 1.4 milionë euro për punë të pakryera. Inceneratori nuk ka në landfill.
Por kush është kompania? Kompania ‘De Mare’ është e njëjta kompani që ka fituar Eco Parkun në Durrës, me firmën e Edi Ramës. Është e njëjta kompani që i jepte 7 mln euro shoferit të Mirel Mërtirit.
Pra, kompania e dytë, ITS-ja ka marrë 12 mln euro nga inceneratori, për punë të pakryera.
Vetëm në vitin 2022 i janë dhënë Klodian Zotos 12 mln euro për punë të pakryera.
Në cilin vend të botës janë ndeshur prokurorët me këto lloj dokumentesh. Nëse kanë vullnet këtu i kanë të gjitha’, tha Belind Këlliçi.
Discussion about this post