Gjykata e Posaçme ka përfunduar gjykimin e dosjes më të përfolur 339/1 duke dënuar me 14 vite burg tre personat e grupit të strukturuar kriminal Gentian Marku, Fation Marku dhe Oltion Marku, por duke qenë se kanë përfituar gjykim të shkurtuar do të vuajnë 9 vite e 4 muaj burg.
Ata do të vuajnë dënimin me burg për veprat penale “prodhim dhe shitje e narkotike, në kuadër të grupit të strukturuar penal” “armëmbajtje pa leje dhe kundërshtim të forcave te policisë”.
Ndërkohë Gjykata e Posaçme ka vendosur deklarimin e pafajshëm të pandehurit Samuel Ndoka për kryerjen e veprave “prodhim dhe shitje e narkotike, në kuadër të grupit të strukturuar penal” “armëmbajtje pa leje dhe kundërshtim te forcave te policisë”.
GJKKO argumenton se nipi i ish-deputetit të PS-së Arben Ndoka, Samuel Ndoka nuk provohet që të ketë kryer këto vepra penale.
Discussion about this post