Të punosh me Belinda Ballukun duhet të japësh prova! Erger Kosiqi ka kontribuar në fitoren e Partisë Socialiste në vitin 2023, nën drejtimin e Ballukut, në atë kohë kryetare e shtabit politik të PS-së në Dibër. Kosiqi ishte drejtor i Sigurimeve Shoqërore për Dibrën, por u angazhua në fushatë dhe shkrepte edhe armën nga makina e tij në drejtim të shtabit të PD-së në Maqellarë.
Qysh nga ajo ditë karriera e tij mori për mirë. U bë administrator i Ujësjellësit që e ka marrë në varësi Belinda. Shoqëria megjithëse është thuajse e falimentuar, bën miliona euro tendera në vit.
Këtë radhë drejtori i ka dhënë kontratën mbi 120 milionë lekë një mikut të tij për të blerë pajisje. Tenderi ka objekt ‘Blerje materiale hidraulike’, ku specifikohet se do blihen tuba, çelësa e të tjera materiale që do të përdoren për riparime.
Tenderi që përmendëm pak më sipër është njoftuar nga Kosiqi më 27 gusht 2024 dhe ka qëndruar i hapur deri më datë 12 shtator 2024. Sipas dokumenteve, kanë shfaqur interes vetëm dy operatorë ekonomikë.
Firma “M U R A T I” Sh.p.k është skualifikuar që në fazën e parë për shkak se nuk e ka paraqitur edhe fizikisht një certifikatë që ka dorëzuar online. Ligji dikton që AK duhej ta kishte vënë në dijeni brenda afatit kompaninë, por drejtor Ujësjellësi nuk kishte interes të merrej me këto procedura, ndryshe i cenohej plani për përfitime nga fondi limit që kap vlerën 100 milionë lekë. Nëse përfshijmë TVSH, kontrata pritet të arrijë në vlerën 120 milionë lekë
Procedura ka vazhduar me një ofertë të vetme dhe për më tepër më e shtrenjta, me vlerë 99 milionë lekë. Kështu, pa zhvilluar garë fare i është dhënë kontrata e firmosur si fitues tregtarit nga Klosi “Ilir Dedolli” P.f.. Ndërkohë , Open Data Albania e ka vlerësuar tenderin me ‘Flamurin e Kuq’, që është shenja riskut të korrupsionit.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/201
Discussion about this post