Drita mundet nga Legia, luajti me dhjetë veta nga minuta e 30-të

Drita ka pësuar humbje si vizitore në ndeshjen e parë të play-offit ndaj Legias me rezultat 2-0. Drita ka arritur të ruajë portën në pjesën e parë edhe pse mbeti me dhjetë lojtarë në fushë. Të besuarit e Zekirija Ramadanit arritën të mbaheshin deri në minutën e 56-të, kur Blaz Kramer shënoi me kokë për 1-0.

Blaz Kramer GOAL vs Drita#LegiaWarszawa 🇵🇱 #UECL 🇪🇺 #FCDrita 🇽🇰

pic.twitter.com/CeDXXeJ85W

— Score Point (@ScoresPoint) August 22, 2024

Hasan Gomda ishte ai që u ndëshkua me karton të kuq në minutën e 30-të, pasi që rasti u shikua në VAR dhe u vendos që ndërhyrja e tij ishte si lojtar i fundit. Edhe me dhjetë veta, Drita arriti të mbahet mirë duke e ruajtur portën dhe fal pritjeve të Faton Malokut.

Sulmet e skuadrës polake vazhduan, kjo edhe pse Drita ishte me një lojtarë me pak.

Marc Gual arriti të shënojë për 2-0 në minutën e 83-të, duke i dhënë polakëve epërsinë prej dy golash.