Gjykata e Posaçme Kundër Korrupsionit dhe Krimit të Organizuar komunikoi sot masën e sigurisë 10 personave që sipas SPAK akuzohen se abuzuan me tenderin për blerjen e shkallës së një zjarrfikësjeje në Bashkinë Durrës. Mes të arrestuarve 6 janë zyrtarë të Bashkisë Durrës, ndërsa pjesa tjetër të kompanisë fituese.
Pasi u tërhoq për vendim GJKKO konfirmoi kërkesën e prokurorisë për lënie në fuqi të masave të caktuara. Konkretisht janë lënë në burg Adriatik Velaj, Muhamed Likazhiu, Artan taho, Kastriot Beqaraj, Gjergj Markolaj, Indrit Marmuhaj, që janë të gjithë zyrtarë të Bashkisë. Ndësra në burg nga firmat private janë lënë Albjon Bushi dhe Riza Sulaj.
Seanca gjyqësore nisi në orën 08:30 të mëngjesit për 9 zyrtarë dhe punojnës të kompanive private, të cilët abuzuan me tenderin për blerjen e një zjarrfikësjeje me autoshkollë, e cila rezultoi se nuk ishte funksionale, në Bashkinë e Durrësit.
Gjykata e Posaçme, ditën e sotme 31 tetor po zhvillon seancën për njoftimin e masave ndaj 10 personave të akuzuar për korrupsion e parregullsi në bashkinë e Durrësit.
Të pandehur janë ish-anëtarët e komisioneve të vlerësimit, por edhe persona nga bizneset që i kanë fituar tenderat.
Sipas SPAK, Adriatik Velaj, Muhamet Likazhiu dhe Artan Taho, me cilësinë e anëtarit të grupit të specifikimeve teknike dhe përllogaritjes së vlerës së fondit limit, pranë Bashkisë Durrës, akuzohen për shpërdorim detyre.
Patriot Beqaraj, Gjergj Markola, Indrit Matmuja, me cilësinë e anëtarit të Komisionit të Vlerësimit të Ofertave, pranë Bashkisë Durrës, dyshohen për “Shkelje të barazisë së pjesëmarrësve në tendera apo ankande publike’ kryer në bashkëpuni.
Ndërsa shtetasit Albion Bushi, Elona Rami, Lulzime Rami dhe Riza Sulaj, administratorë, ortakë dhe punonjës të shoqërive R&R Group sh.p.k. dhe Klosi – R Company sh.p.k., kanë konsumuar veprën penale të “Falsifikimit të dokumenteve” në bashkëpunim.
