Dy makina përplasen kokë më kokë në Rrugën e Arbrit, plagosen dy persona, njëri prej tyre në gjendje të rëndë

Një aksident i rëndë është regjistruar mëngjesin e sotme në rrugën e Arbërit ku si pasojë e një përplasje kokë më kokë kanë mbetur dy persona të plagosur

Raportohet se një prej personave të lënduarve është në gjendje të rëndë për jetën.

Në aksident mësohet se janë përfshirë dy makina, të cilat janë përplasur kokë më kokë në vendin e quajtur ‘Shkallët e Xibrrit’.

Dy të plagosurit u dërguar në qendrën shëndetësore të Klosit, ku kanë marrë ndihmën e parë dhe më pas janë dërguar në spitalin e Burrelit.

I aksidentuar që ndodhet në gjendje të rëndë raportohet se do të transportohet drejt Tiranës. Policia dhe grupi hetimor janë në vendngjarje për zbardhjen e shkaqeve të aksidentit.