Policia e Shkodrës ka proceduar penalisht një shtetas izraelit, i cili dyshohet se ka abuzuar seksualisht me një 26-vjeçare izraelite.
Më konkretisht, është proceduar penalisht shtetasi L. C., 54 vjeç, pas kallëzimit të bërë nga shtetasja E. Z., 26 vjeçe, të dy banuese në Izrael, teksa vajza pretendon se ngjarja ka ndodhur më 9 Tetor në një hotel në Theth.
“Specialistët për Hetimin e Krimeve të Komisariatit të Policisë Shkodër kanë referuar materialet në Prokurori, ku ka nisur procedimi në gjendje të lirë për shtetasin L. C., 54 vjeç, banues në Izrael, pasi ndaj këtij shtetasi ka bërë kallëzim shtetasja E. Z., 26 vjeçe, banuese në Izrael, e cila pretendon se, më datë 09.10.2025, është abuzuar seksualisht në një hotel në fshatin Theth.” – thuhet në njoftimin e Policisë.
Materialet procedurale i janë referuar Prokurorisë së Shkodrës për veprime të mëtejshme.
Discussion about this post