Për të gjithë personat që mund të durojnë të ftohtin, ka një kërkesë për vende të lira pune na bazat e Antarktidës së Australisë. Sipas programit të këtij vendi, janë më shumë se 150 pozicione të gatshme për të punuar në stacionet kërkimore në jug deri në 12 muaj.
Shefat e kuzhinës, drejtuesit e stacioneve, elektricistët, marangozët dhe oficerët e teknologjisë së informacionit janë ndër 32 rolet e ndryshme që ofrohen në stacionet kërkimore Davis, Mawson dhe Casey.
Stacioni i katërt, ishulli Macquarie, është në rajonin nën-Antarktik, rreth gjysmës së rrugës midis Tasmanisë dhe Antarktidës. Pagat janë të mira, ju mund të mësoni aftësi të reja, të eksploroni shkretëtirën e madhe në tokë dhe gjithashtu merrni një pagesë speciale prej 65,341 dollarë në vit që paguhet mbi pagën tuaj bazë ndërsa punoni në Antarktidë.
Për shembull, një marangoz do të fitojë një pagë bazë deri në 79,801 dollarë në vit – plus një shtesë prej 65,341 dollarë në vit. Ndërkohë një kuzhinier do të merrte një pagë bazë prej 79,801 dollarë në vit, së bashku me një shtesë prej 65,341 dollarë.
Qiraja dhe ushqimi janë falas në katër bazat ku kuzhinierët përgatisin ushqimet por përgatituni të duroni temperaturat që bien në -57C në muajt më të ftohtë.
Discussion about this post