Një ngjarje e frikshme ka ndodhur në “Goffertstadion” të Nijmegen, në Holandë, ku mësohet se është shmangur një tragjedi.
Teksa tifozët e skuadrës së Vitesses ishin duke festuar fitoren 1-0, kur një pjesë e tribunës është rrëzuar, duke kërcënuar jetët e tyre.
Drejtori i ‘NEC’ Wilco van Schalk tha për ‘NOS’ se, sipas informacioneve që kishte ai, askush nuk ishte dëmtuar.
“Kishte diçka nën stendë dhe kjo parandaloi çdo gjë më serioze,”- u shpreh Van Schalk.
Ndërsa kryebashkiaku i Nijmegen, Hubert Bruls, bëri thirrje për hetim të menjëhershëm të shkaqeve të kësaj ngjarjeje dhe mungesës së kontrollit nga personat përgjegjës.
“Për fat të mirë, me sa dimë ne, askush nuk u lëndua. Unë dua një hetim sa më shpejt të jetë e mundur për atë që ndodhi këtu,”– deklaroi Bruls.
Duhet theksuar se ishte një fat i madh që nuk pati të dëmtuar, pasi në një rast tjetër tribuna aq e mbushur mund të kishte sjellë numër të lartë viktimash./K.T/Gijotina.com
