Një makinë është përfshirë nga flakët ditën e sotme në Delvinë. Burime nga policia bëjnë me dije se ngjarja është raportuar rreth orës 10:00, në aksin rrugor Delvinë-Kardhiq, në afërsi të tunelit të Skërficës.
Sipas detajeve nga policia automjeti ka marrë flakë teksa ka qenë në ecje. Shoferi është identifikuar me iniciale S. Sh., ndërsa raportohet se nuk ka marrë plagë, pasi ka dalë nga automjeti sapo ka vënë re defektin.
Automjeti dyshohet se është përfshirë nga flakët aksidentalisht si pasojë e një difekti teknik, ku theksojmë sërish se ka vetëm dëme materiale.
Pritet të zbardhen detaje pas marrjes në pyetje të shoferit të automjetit për të mësuar rrethanat e ngjarjes.
Gjithashtu edhe grupi hetimor ndodhet në vendngjarje dhe po punon për zbardhjen e plotë të incidentit.
Discussion about this post