Gjykata e Posaçme Kundër Korrupsionit dhe Krimit të Organizuar ka urdhëruar konfiskimin e pronave të deputetit të Partisë Demokratike Kasëm Mahmutajn. Mësohet se, togat e zeza të së Posaçmes vendosën konfiskimin e 2 pasurive të paluajtshme tokë truall, 1 automjet dhe e apartamente në pronësi të deputetit, me dyshimin se e kanë prejardhjen nga aktiviteti kriminal.
Pasuritë u konfiskuan me kërkesë të SPAK pasi Kasëmi është vëllai i Gazmend Mahmutaj, subjekt i OFL-së. Me dyshimin se pasuritë e kanë prejardhjen nga aktiviteti kriminal gjykata e Posaçme ka konfiskuar në total 22 pasuri, që janë në pronësi të Gazmend Mahmutaj, familjarëve apo lidhjeve miqësore e shoqërore të këtij subjekti.
Referuar vendimit të gjykatës tre vëllezërve, Mahmutaj i janë sekuestruar një pallat, apartamente automjete dhe disa ndërtesa të cilat janë në proces legalizimi. Pasuritë janë në emër të vëllezërve Gazmend, Behar dhe Kasëm Mahmutaj.
Operacioni Forca e Ligjit i dërgoi formularin për deklarimin mbi burimin e të ardhurave Mahmutajt më 18 shkurt të vitit 2020. Ai njihet si person me precendent kriminal. Mahmutaj është dënuar rezulton i dënuar me 25 vite burg për trafik droge dhe shfrytëzim prostitucioni në Itali.
Kjo lëvizje e SPAK duket se vjen pasi kryeministri Edi Rama është treguar i ashpër në deklaratat publike duke thënë se kjo strukturë është marrë vetëm me socialistët dhe nuk është pari kampi tjetër i politikës.
Discussion about this post