Një atentat me armë zjarri ka ndodhur paraditen e sotme në rrugën dytësore të Shijakut, ku është qëlluar nga një makinë në lëvizje drejt djalit të oficerit të policisë, Orlando Pepkola.
Raportohet se në rrugën dytësore Xhafzotaj–Shijak një mjet tip “Golf”, ka qëlluar me armë zjarri në drejtim të automjetit tip “Kamionçinë”, që drejtohej nga Pepkola, i cili ka qenë duke lëvizur me makinë, dhe manovrat e bëra i kanë shpëtuar jetën duke mos u lënduar nga atentati.
Pas njoftimit nga qytetarët, forca policie kanë shkuar në vendin e ngjarjes për të kuptuar se çfarë ka ndodhur, ndërsa objektivi i atentatit ka qenë Orlando Pepkola, djali i një polici në zonë.
Ende nuk dihen motivet e atentatit, ndërkohë që policia ka ngritur disa postblloqe në të gjitha rrugët kryesore e dytësore, si dhe kanë rrethuar zonën me qëllim identifikimin dhe kapjen e autorëve.
Discussion about this post