Mario Balotelli bëri dy postime interesante në “Instagram” pasi trajneri i Kombëtares italiane Roberto Mancini tha se sulmuesi është tashmë një “kapitull i mbyllur” për Italinë.
Përzgjedhësi italian hodhi poshtë çdo mundësi që të ftohet 32-vjeçari në të ardhmen te ekipi “I kaltër”.
Balotelli, që aktualisht aktivizohet te Sioni në Zvicër, ka 14 gola në 36 paraqitje me Italinë, por paraqitjen e tij të fundit e bëri në vitin 2018, në barazimin 1-1 kundër Polonisë.
Mancini pranoi të hënën se nuk do ta thërriste më ish-sulmuesin e Interit dhe Milanit, teksa ky i fundit reagoi pastaj përmes rrjeteve sociale.
Në njërin nga postimet ai shfaqi avatarin e tij duke qeshur, ndërsa në të dytin ishte një video ku thuhej: “Mbret nuk bëhesh duke ndjekur mbretëreshën; ti bëhesh mbret duke ndjekur kurorën”.
Balotelli duket që nuk e marrë mirë deklaratën e “Mancios”. Do ketë një replikë të trajnerit kampion Europe? Kjo mbetet për t’u parë…
Discussion about this post