Një shqiptar nga Kosova, i identifikuar si B.F. 40 vjeç, dyshohet se e ka goditur me thikë disa herë një grua 26-vjeçare në Itali. Krimi ka ndodhur të martën, në shtëpinë e saj pranë Trevisos, ndërsa 26-vjeçarja humbi jetën në vendin e ngjarjes, raporton “Today.it”.
Sipas asaj që raportohet, shtetasi kosovar dyshohet se e goditi së paku shtatë herë me thikë Vanessa Ballanin, që ishte disamuajshe shtatzënë, në pragun e shtëpisë së saj.
Sulmi ka qenë i papritur dhe goditjet me thikë kanë qenë nëpër pjesë të ndryshme të trupit të Ballanit.
Vrasësi i dyshuar ishte klient i supermarketit ku punonte gruaja. Gruaja që mbeti viktimë e kishte raportuar për ndjekje në të kaluar kosovarin.
Policia është në kërkim të autorit të dyshuar, teksa burri i viktimës ka dhënë intervistë në polici, por ende nuk dihet shkaku që ka çuar në këtë vrasje makabër.
Discussion about this post