Deputeti Edmomd Spaho ka falënderuar publikisht të gjithë delegatët që ishin të pranishëm në Kuvendin e sotëm. Përmes një postimi në rrjetin social Facebook ai shkruan se sot ishte rithemelimi i PD dhe kjo falë delegatëve në të gjithë vendin. Në përfundim ai shkruan se, e ardhmja iu përket demokratëve.
“Faleminderit të gjithë demokrateve dhe demokratëve te Qarkut Korçë dhe gjithë Shqipërisë për pjesëmarrjen madhështore në Kuvendin e Rithemelimit të PD dhe vendimet e rëndësishme që morën, përfshirë shkarkimin e Lulzim Bashës. E ardhmja flet për demokratët, demokracinë dhe qytetarët shqiptarë”, shkruan Spaho. Kujtojmë se Spaho ka qenë një nga kritikët më të mëdhenj të Bashës, duke e cilësuar atë si një person që i solli vetëm dështime PD-së.
Discussion about this post