Gazetarja Klodiana Lala ka zbuluar një ngjarje që tregon për ndikimin që ka bota e krimit gjatë fushatave zgjedhore, siç janë zgjedhjet lokale të 14 majit.
Mbrëmjen e sotme, teksa ishte e ftuar në emisionin “Të paekspozuarit”, Klodiana Lala tha se një personazh, kërkonte t’i përmendej emri nga Partia Socialiste, ndaj edhe shkoi vetë në Dubai për të biseduar me një personazh të njohur të botës së krimit. Por preferoi që për këtë rast të mos përmendte emra.
“Unë di një person që nuk është fare në listën e PS për kryetar të bashkisë ka udhëtuar për në Dubai për të marrë garanci nga një personazh i botës së krimit që mund t’i jepte garanci për të qenë në listë si kandidat i mundshëm për kryetar të Bashkisë. Të bashkisë së Durrësit, por sot nuk është më një opsion.
Njëri që synonte drejtimin e bashkisë ka udhëtuar në drejtim të Dubait dhe ka kërkuar garanci nga një anëtar i grupit kriminal për t’i vendosur veten në listë, por nuk e ka arritur. Pra shkon deri aty. Ka investuar tek maxhoranca dhe ka synuar që të jetë kryetar bashkie, ka kërkuar garanci, pra bota e krimit në Durrës ësstë më fluide. Lëviz sipas interesave. Ju kujtohet 339 se kërkonin kandidatin për deputet X apo Y. E njëjta gjë po ndodh edhe tani,”-tha Klodiana Lala.
Discussion about this post