Policia greke ka identifikuar autorin e dyshuar të vrasjes së një 50-vjeçari shqiptar, i cili u qëllua me të paktën 3 plumba në kraharor.
Viktima ndërroi jetë rrugës për në spital.
Ngjarja ndodhi pranë një pike karburanti në Selanik dhe dyshimet janë se konflikti mes viktimës dhe autorit ka ndodhur për shkak të një shume parash.
Mediat greke raportojnë se policia ka identifikuar edhe targat e automjetit me të cilin autori është larguar, ndërsa po zhvillohen kërkime për kapjen e tij.
Sipas mediave greke, ashtu si edhe viktima, edhe autori është me origjinë nga Shqipëria. Ai është person me precedent penal dhe i njohur për policinë greke për disa vepra penale.
Ndaj tij po zhvillohen kërkime policore masive, por ende nuk ka asnjë të dhënë rreth vendndodhjes së tij.
Krimi i rëndë ndodhi sot rreth orës 13:00 pranë një pike karburanti në Selanik. Viktima dhe autori kanë qenë më herët së bashku në një lokal pranë zonës ku ndodhi krimi.
Mes tyre nisi një përleshje. Arsyet e sherrit nuk dihen, por autoritetet greke dyshojnë se mund të lidhet me probleme financiare.
Pas konfrontimit në lokal, të dy u larguan me makinat e tyre. Më pas u gjendën në të njëjtën pikë karburanti në rrugën Solonos të Selanikut.
50-vjeçari shqiptar ndodhej në karburant për të furnizuar makinën. Ndërsa paralelisht në rrugën kryesore kishte ndaluar makina e autorit, tip Peugeot ngjyrë e zezë.
Kamerat e sigurisë kanë filmuar të gjithë krimin. Viktima shihet te dritarja e makinës së autorit dhe godet me zinxhir personin që ndodhet brenda mjetit. Në këtë moment ai qëllohet me pistoletë nga brenda makinës dhe bie përtokë. Ndërsa vrasësi largohet me shpejtësi me makinë nga vendngjarja.
— kakajason (@kakajason50) July 13, 2023
Discussion about this post