Policia në Elbasan ka vënë në pranga 3 persona, ndërsa një tjetër do të jetë në hetim.
Bëhet fjalë për të arrestuarit me iniciale K. H., 31 vjeç, banues në fshatin Kryezjarr, Elbasan, pasi drejtonte mjetin në gjendje të dehur; E. B., 20 vjeç, banues në fshatin Dragostunjë, Librazhd dhe P. K., 54 vjeç, banues në fshatin Cërrujë, Gramsh, pasi janë kapur nga shërbimet e Policisë Rrugore, duke drejtuar motoçikletat, pa leje drejtimi.
Policia jep detaje se është vënë në hetim personi i identifikuar me iniciale L. T., 40 vjeçe, banuese në fshatin Guras, Belsh, pasi dyshohet se duke djegur disa barishte në pronën e saj, zjarri ka dalë jashtë kontrollit dhe si pasojë është djegur një sipërfaqe toke me ullinj, në pronësi të Ç. I. dhe N. R.
