Nuk mund të mbyllej ky vit pa bërë ndonjë aferë edhe kryebashkiakja Emiriana Sako. Bashkia Durrës është kujtuar tani në mes të dimrit të të ndërhyjë në disa sheshe për riparim, edhe pse do të jetë pothuajse e pa mundur duke ditur që gjatë kësaj periudhe Durrësi kthehet në det edhe brenda në qytet.
Gjithsesi Sakos i duhej ky tender që të nxirrte nga arka dhe fondet fundit që kanë mbetur nnga ky vit.
Që më 21 tetor ajo kanë shpallur garën për tenderin me objekt “Rikualifikimi urban i hapësirave publike” . Sipas preventivit do të bëhen riparime të asfaltit në 7 sheshe të qytetit dhe parashikohet që këto riparime të kushtojnë 300 milionë lekë. Vetëm Sako e di si i ka bërë llogaritë që i duhen kaq shumë para, ndërsa ne po ju themi që po abuzohet me këtë fond.
Dhe këtë pretendim e vërteton Flamuri i Kuq që ka marrë nga Open Data Albania.
Në dokument tregohet se afati për dorëzimin e ofertave ka qëndruar i hapur deri më datë 5 nëntor dhe gjatë kësaj periudhe kanë shfaqur interes 7 kompani, pjesa më e madhe e tyre kompani mjaft të mëdha dhe të njohura në botën e aferave të tenderëve.
Sigurisht ujqërit u zgjuan për të përfituar nga ky projekt ku ka shumë para dhe pak punë.
Edhe pse ishin të vetëdijshëm që Sako e kishte paracaktuar më herët fituesin.
Këtë herë firma e privilegjuar ishte “RSM Company” në pronësi të Agim Kolës. 6 prej 7 ofertave të dorëzuara u s’kualifikuan në fazën e parë, për tre prej tyre thuhet se janë përjashtuar për shkak se kanë mangësi në dokumentet e deklarimet, ndërsa për 3 të tjerat nuk jepet asnjë arsye.
Me këto boshllëqe dhe shkelje ligji, Sako i siguroi vendin për në fazën finale vetëm firmës RSM Company. Kishte ofertën më të shtrenjtë, nuk pari asnjë konkurrent përballë, ka një pronar të njohur për korrupsion dhe sërish kjo firmë u shpall fituese pa garë fare.
Për këtë Open Data Albania i ka vendosur ‘Red Flag’ , për të dhënë kështu alarmin tek institucionet përgjegjëse që tolerojnë këto shkelje.
Ndërkaq ne po ju kujtojmë se Agim Kola është një biznesmen që ka përfituar gjithmonë nga tenderët me vlerë të lartë dhe i ka marrë ato pa garë. Ai zotëron edhe dy firma të tjera. Bëhet fjalë për RSM Company SH.P.K. dhe A. N. K. Shpk, përmes të cilave ka fituar më shumë tenderë, të gjitha në shkelje të ligjit. A. N. K. Shpk njihet më së shumti për megavjedhjen që bëri me punimet ne aksin Milot-Balldren.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post