Ka ndërruar jetë në spital 40-vjeçari Halil Koka, i cili u plagos me thikë pas një sherri me një person tjetër në Durrës.
Viktima raportohet se ka ndërruar jetë rrugës për në spital.
Ngjarja ndodhi pas një sherri mes 40-vjeçarit dhe shtetasit Ilir Koçilja në lagjen Nr.3.
35-vjeçari dyshohet se ka goditur me thikë në trupi Halil Kokën, i cili nuk arriti që t’i mbijetojë plagëve.
Policia po punon për kapjen e autorit të dyshuar të krimit.
Njoftimi i policisë:
Plagosi me mjet prerës (thikë) një shtetas i cili humbi jetën gjatë transportimit për në spital, Policia identifikon autorin dhe vijon kontrollin dhe ndjekjen për kapjen e tij.
Rreth orës 12:30, në lagjen nr. 4, dyshohet se gjatë një konflikti të çastit, shtetasi I. K. ka goditur me mjet prerës (thikë), shtetasin H. K., i cili si pasojë, ka humbur jetën gjatë transportimit në spital
Shërbimet e Policisë kanë shkuar menjëherë në vendngjarje, kanë rrethuar zonën dhe po bëjnë krehjen e saj, me qëllim kapjen e shtetasit I. K.
Grupi hetimor ndodhet në vendngjarje dhe po punon për sqarimin e rrethanave të kësaj ngjarjeje.
Discussion about this post