SPAK ka zhvilluar kontrolle ndaj administratorit të OSHEE-së, Enea Karakaçi. Sipas raportimeve në media agjentët e BKH-së, me urdhër të SPAK, kanë kontrolluar zyrat, banesën dhe telefonin e Karakaçit.
Ndërkohë, më herët është raportuar se administratori i OSHEE-së, Enea Karakaçi, është kontrolluar nga SPAK, në kuadër të hetimeve që po zhvillohen për Portin e Limionit në Sarandë.
Dyshohet se këto kontrolle lidhen me rolin e tij në përgatitjen e dokumentacionit dhe kontratës midis shtetit dhe biznesmenit Artan Dulaku.
BKH ka ushtruar kontrolle tek biznesmeni Artan Dulaku, si dhe tek Genard Kastrati, administrator i kompanisë “MARINA BAY SARANDA”, e cila ka fituar koncesionin. Kontrolli është kryer edhe në selinë e kompanisë “Maryna Bay Saranda”, ku Artan Dulaku është aksion me 50% të aksioneve.
Po ashtu, kontrolle janë ushtruar edhe tek ish-deputeti socialist Bardhyl Kollçaku, i cili ka qenë shefi i Shtabit të Përgjithshëm të Forcave të Armatosura.
Po të njëjta burime bëjnë me dije se ndër zyrtarët ku është ushtruar kontroll eshte edhe Teuta Balili, pjesë e stafit të Ministrisë së Infrastrukturës. Dyshohet se kontrollet e ushtruara ndaj Karakacit dhe Balilit lidhen me funksionet që ata kanë pasur në përgatitjen e dokumentacionit dhe kontratës midis shtetit dhe biznesmenit Dulaku, për marrjen në përdorim të pronës në Portin Ushtarak të Sarandës.
Në listën e personave ku është ushtruar kontroll figuron edhe Belioza Çoku, ish-drejtoreshë e kabinetit të ish-ministres së Mbrojties, Olta Xhaçka. Hetimi për këtë dosje po ndiqen nga prokurorja e posaçme Manjola Kajana.
Nuk dihet nëse kontrollet e sotme janë zhvilluar për të njëjtën çështje.
Lexoni edhe këto shkrime për rastet e korrupsionit me tenderat të Enea Karakaçi:
Karakaçi i Ballukut zhytet në luks: 1.2 MLN euro kolltuqe për zyrën dhe 400 mijë euro për brandimin
Dy denoncime për tenderin 1.2 MLN euro të Enea Karakaçit, paratë e OSHEE për tonerat e printerave
Enea Karakaçi i fal tenderin 2MLN euro firmës që bënte afera me Thoma Gëllçin në RTSH
Për fletushka dhe lapsa, Karakaçi i OSHEE gostit motrën e Vilma Nushit me 603 MLN lekë
Karakaçi në “luftë” me hakerat: 2.5 MLD lekë “mbrojtja” e OSHEE, denoncohen 2 tenderat
Dy transformatorë të artë, 8 MLN Euro: Tenderi pa garë i Karakaçit dhe Dalipit
Discussion about this post