Epidemiologu gjerman Karl Lauterbach, paraqet një këndvështrim optimist për variantin e ri “Omicron”, bazuar në të dhënat e deritanishme të zhvilluara nga shkencëtarët afrikano-jugor për evolucionin e tij. Ndryshe nga ata që po përhapin alarmin nëpër botë, eksperti gjerman i sheh gjërat me sy pozitiv.
Në një deklaratë për Daily Mail, shkencëtari gjerman theksoi se varianti i ri, i gjetur për herë të parë në Afrikën e Jugut, ka simptoma më të lehta (në krahasim me të tjerët) duke shkaktuar sëmundje më të lehta, bazuar në deklaratat -gjithmonë- të mëparshme të mjekëve afrikano-jugor. Për shkencëtarin gjerman lloji i ri i koronavirusit mund të përshpejtojë fundin e pandemisë Covid-19.
Sipas tij, është veçanërisht inkurajues fakti që rastet e variantit të ri të koronavirusit kanë shfaqur simptoma të lehta, si dhimbje koke dhe lodhje, ndërkohë që aktualisht asnjë rast nuk ka çuar në shtrimin në spital apo vdekje. “Varianti Omicron ka kaq shumë mutacione – 32 në proteinën e majës, dyfishi i asaj Delta – saqë mund të jetë një lloj i optimizuar për të infektuar dhe për të qenë më pak vdekjeprurës, pasi shumica e viruseve të frymëmarrjes evoluojnë”, tha ai. Sipas shumë shkencëtarëve, sëmundja Covid-19 nuk ka gjasa të çrrënjoset ndonjëherë, por do të kthehet në një virus më të butë që do të duket si gripi. Një mjeke nga Afrika e Jugut, e cila ka trajtuar rreth 30 pacientë në atdheun e saj, tregon se deri më tani ajo ka vëzhguar pacientët që shërohen, kryesisht të rinj, pa pasur nevojë për trajtim.
Discussion about this post