Kurorëzimi i Mbretit Charles III po afron dhe kjo është një periudhë shumë e veçantë për Britaninë e Madhe si dhe për të gjithë shtetet e Commonwealth-it, të cilat e kanë monarkun britanik si kreun e tyre të shtetit.
Megjithatë ka patur edhe nga ato shtete të kurorës që kanë ‘zbehur’ influencën e mbretit në vendin e tyre, më e fundit Bahamas, që është larguar nga Commonwealthi.
Zelanda e Re, paralajmëron ndryshime epokale për sa i përket rolit të monarkut britanik në vend.
Kryeministri Chris Hipkins është shprehur se mbështet shndërrimin në republikë të Zelandës së Re, megjithatë nuk ka në plan shkëputjen e menjëhershme nga influenca e Londrës.
Hipkins po mbante një konferencë për shtyp përpara nisjes për në Britani të Madhe, ku është i ftuar si njëri prej krerëve të qeverive të vendeve të Commonwealthit, në ceremoninë e kurorëzimit të Madhërisë së Tij, Mbretit Charles III.
“Mendoj se, me kalimin e kohës, Zelanda e Re, do të bëhet një vend plotësisht i pavarur. Ne do të jemi plotësisht një shtet sovran dhe padron të fatit tonë.”- deklaroi kryeministri neozelandez.
Më herët, edhe paraardhësja e tij në këtë post, Jacinda Ardern, është shprehur në favor të largimit nga influenca e familjes Windsor, megjithatë ndryshimi i regjimit nuk është cilësuar një prioritet. /m.b /gijotina.com
Discussion about this post