Juristi Ylli Manjani ka deklaruar se kreu i PD-së, Sali Berisha nuk mund të mbahet nën masën e sigurisë “arrest shtëpie”, i izoluar, pasi ai nuk është i pandehur, por vetëm person nën hetim.
I ftuar në emisionin “A Show”, Manjani deklaroi se Berisha është ende person nën hetim, pasi shteti nuk ka marrë prova për ta marrë të pandehur.
“Arresti me burg, nuk është më masë sigurie, por është bërë dënim. Po të futën brenda ti je i dënuar. E kjo nuk është normale. Personi nën hetim nuk është njësoj si i pandehuri. Personi nën hetim, ende nuk ka shteti prova për ta marrë të pandehur. Sali Berisha është person nën hetim dhe jo i pandehur. Nuk mund të mbahet në arrest, nuk mund të mbahet në arrest, i izoluar. Për pikëpamjen time kjo mund të ndodhë vetëm për 1 muaj. Tek drejtësia e vjetër, duhet të të merrte të pandehur dhe të fusnin brenda. Sot të fusin brenda edhe pa të pandehur, të fusin brenda. Kjo duhet të marrë fund se nuk shkon. Ti e merr gjyqtarin dhe prokurorin që ka 20 vite punë, dhe e nxjerr në rrugë. Kemi gjykatës që kanë dhënë dënime me burgime të përjetshme dhe sot janë rrugëve. Dhe ky është shtet maskara, i poshtër, karagjoz. Nuk ka më të poshtër se kjo, punonjësin e vete e hedh, e flak”, – tha ndër të tjera Ylli Manjani
Discussion about this post