Në takimin që zhvilloi sot me demokratët në Lezhë, Berisha ka folur edhe në lidhje me rritjen e pagave, apo pensioneve dhe ndihmave sociale. Gjatë fjalës së tij, ai ka prekur çështjen e fëmijëve të policëve që janë vdekur në detyrë. Sipas Berishës, qeveria duhet të sigurojë pension të plotë për ta deri në moshën 18-vjeçare.
“Unë jam shumë optimist sepse kjo është një rrugë tjetër për të zhvilluar më shpejt Shqipërinë dhe bërë shoqërinë më të barabartë. Nuk kam asnjë kundërshtim që fëmijët e policit të marrin pensionin e plotë, por jam i atij mendimi që fëmijët deri në moshën 18-vjeçare që humbin prindërit, të marrin pensionin e plotë e tij. Kjo është zgjidhja. Edhe ai fëmijë është. Edhe ai duhet të përballojë jetën dhe kjo do të ndodhë”, tha ai. Ndërsa e mbylli fjalimin duke i ftuar të gjithë demokratët të votojnë kreun e ri të PD me datë 22 maj.
Discussion about this post