Era e fortë që ka prekur ditën e sotme juglindjen e vendit ka nxjerrë në pah edhe njëherë tjetër problemin e stuhisë së rërës e cila shkaktohet për shkak të tokave bujqësore të torfës në fushën e Maliqit, të cilat digjen vetvetiu gjatë verës.
Gjatë kësaj kohe, sipas specialistëve të bujqësisë, këto toka përmbajnë grimca rëre të cilat ngrihen në sipërfaqe në momentet kur ka prezencë të erës së fortë apo gjatë stinës së verës.
Banorët e fshatrave të Sheqerasit, Pirgut e Sovjanit kanë kërkuar disa herë bashkisë së Maliqit, drejtorisë së bordit të kullimit dhe ministrisë së bujqësisë ujitjen nëntokësore të këtyre sipërfaqeve torfike, gjë e cila ende nuk është arritur.
Ndërsa të rrezikuar për shëndetin mbeten banorët që jetojnë në këtë zonë.
Discussion about this post