“Lugina e djallit” është filmi i parë horror i prodhuar nga artistë shqiptar, i cili do të vijë së shpejti në kinematë e kryeqytetit.
Regjisori Edi Gjerani, producenti Ergys Keta dhe aktorja Enxhi Haxhiu, gjatë një interviste në “Jeto me Orën”, treguan eksperiencën e tyre gjatë xhirimeve të filmit.
Ergys Keta, përveç se producent, ishte edhe një ndër aktorët kryesor të filmit. Ai tregon se gjatë xhirimeve i ka përjetuar shumë skenat që ka pasur.
“Rolin e kam përjetuar shumë, sikur ndodhi në të vërtet e gjitha, madje i gjithë stafi ka qarë gjatë xhirimeve” – u shpreh Keta.
Regjisori Gjerani tregoi se pavarësisht stafit në xhirime problem më i madh që hasën ishte terreni i vështirë.
“Xhirimet shkuan goxha mirë ashtu siç i kisha menduar por terreni ka qenë mjaft i vështirë për të gjithë stafin” u shpreh Gjerani.
Edi Gjerani, gjithashtu jep edhe një përshkrim të shkurtër të filmit, por pa treguar më tepër seç duhet.
“Një grup vajzash dhe djemsh nisen për një kamping, por rrugës hasen me diçka të papritur, një vajzë e vogël u pret rrugën të rinjtë nisin të kërkojnë për familjen e saj, këtu ndryshon rrjedha e gjithçkaje argëtimi kthehet në ankth dhe frikë. Kaq mund të tregojmë për publiku”- u shpreh regjisori.
Producenti Keta gjithashtu tregoi edhe përse e titulluan filmin “Lugina e djalit”
“Një djalë i vogël i cili jetonte në këtë luginë kur u rrit u kthye në përbindësh dhe komandonte të gjithë luginën, dhe ne u gjendëm në këtë luginë” u shpreh Keta.
Rikujtojmë se me datë 31 tetor, është bërë publik edhe traileri i filmit “Lugina e djallit”, ku lajmi u bë i ditur nga vetë aktori dhe producenti i njohur shqiptar Ergys Keta me anë të një postimi në profilin e tij në Instagram.
/ O.B / Gijotina.com
Discussion about this post