Këtë të shtunë Partizani do të përballet me Laçin për ndeshjen e javës së 9 të Superligës në orën 19:45 në stadiumin ‘Air Albania’.
Kjo ndeshje do të ndiqet edhe nga tifozët e ‘Të kuqve’, të cilët duket se janë shumë të pakënaqur me rezultatet e ekipit të tyre.
Së fundmi tifo-grupi kryesor ‘Ultras Guerrils’ kanë ironizuar stafin dhe lojtarët e ‘Demave’, duke theksuar në një postim në faqen e tyre në ‘Facebook’ se ‘fitore quhet kur shënon më shumë se kundërshtari’.
“Nesër, ora 19:45. Partizani – Laçi. Ndeshja luhet në stadiumin “Qemal Stafa”. Bileta kushton 300 lekë. Biletaria ndodhet në stadiumin “Dinamo”. Guerrils do të vendosen në tribunat N. Drejtuesit, stafi dhe lojtarët duhet të kuptojnë që përfaqësojnë klubin legjendë Partizani dhe fjala “fitore” nuk duhet vënë kurrë në diskutim. Fitorja arrihet vetëm nëse shënojmë më shumë gola se kundërshtari. Forca Partizani!”,-shkruhet në faqen zyrtare të kësaj tifozerie.
Rikujtojmë se Partizani është duke kaluar një periudhë aspak të mirë, ku prej javësh nuk po mund të merren rezultate pozitive, përveç ndeshjes së fundit me Kastriotin që është e vetmja nga e cila janë marrë 3 pikët këtë sezon të Superiores, që u fitua me rezultatin 2-0./K.T/Gijotina.com
Discussion about this post