Irani së fundmi akuzohet se në kombëtaren e femrave kanë aktivizuar një burrë për portier në ndeshjen kundër Jordanisë, dhe së fundmi kundërshtarët po kërkojnë verifikimin e gjinisë nga ana e federatës.
Zohreh Kuodaei, 32 vjeçare ka shpëtuar dy penallti të Iranit kundër Jordanisë në ndeshjen e 25 shtatorit në Uzbekistan, razultat ky që për herë të parë e kualifikoi kombëtaren e femrave Iraniane në Kupën Aziatike të Femrave.
Presidenti i Federatës së Futbollit të Jordanisë ka shkruar një letër publike në drejtim të kombëtares Iraniane, ku kërkon të bëhet një ‘verifikim’ i gjinisë së portieres iraniane.
Nga ana tjetër, pala e akuzuar e ka komentuar këtë veprim të kundërshtarit si pretekst për humbjen e ndeshjes, dhe se nuk do të ndërmarrë asnjë veprim në lidhje me këtë kërkesë të çuditshme. /Sportzona.al
Discussion about this post