Fotografi i modës mori vëmendjen kur u pa duke lëpirë aksesorët e çuditshëm në shpinën e këngëtares
përpara se ajo të performonte në festën e zhurmshme pas Çmimeve të Modës Britanike, ku ishin të pranishme edhe Winnie Harlow dhe Nicole Scherzinger.
Këngëtarja 33-vjeçare ishte në qendër të vëmendjes e veshur me një fustan të zi me shpinën hapur, që nxirrte në pah aksesoret prej silikoni në shtyllën e saj kurrizore, duke i dhënë një pamje gjysmë njeri, gjysmë reptil.
Ndërsa interpretuesja e hitit “Hot Right Now” ndërroi veshjen, ajo dukej më se tërheqëse në veshjen e saj të dytë, e përbërë nga një palë pantallona dhe një bluzë argjendi me shpinë të hapur, shkruan DailyMail.
Këto i bënë përshtypje jo vetëm të ftuarve në festë, por edhe gjuhës së fotografit të modës Mert Alas, i cili nuk mundi të rezistonte pa i dhënë një lëpirje.
Stilisti i saj kishte bërë një punë të jashtëzakonshme, pasi aksesorët e saj dukej sikur dilnin nga lëkura e saj, që nga gurë më të vegjël deri në kosat e plota gjatë gjithë shtyllës së saj kurrizore.
Duke lejuar që aksesorët mbresëlënës të flisnin vetë, ajo i shtoi pamjes edhe më shumë shkëlqim me këpucë të zeza.
Rita në këtë mbrëmje ishte e shoqëruar edhe nga bashkëshorti i saj, regjisori zelandez Taika Waititi.
Kjo paraqitje e saj vjen pak kohë pasi ajo realizoi një vizitë në vendlindjen e saj, Prishtinë, ku erdhi për të festuar ditëlindjen e saj të 33-të.
Discussion about this post