Për një moment ditën e shtunë Lorenzo Insigne ka marrë të njëjtin numër që dikur mbante legjenda Diego Maradona te Napoli, 10-ën.
Kjo gjë ka ndodhur në ekranin e madh të stadiumit të Napolit. Para ndeshjes me Cagliarin, të cilën Napoli e fitoi, fotoja e Insignes me fanellën me numrin 10 u shfaq në stadiumin napolitan.
Ajo fanellë u tërhoq nga klubi pas vdekjes së ish-Pibe de Oro vitin e kaluar dhe gafa e bërë në ekranin e stadiumit i bëri tifozët të buzëqeshnin, duke pasur parasysh se fanella blu e Lorenzos, nga ana tjetër, përmban numrin 24.
Ndërsa ka folur në lidhje me këtë situatë Insigne tha: “Unë kam numrin 24, numri 10 nuk mund të preket. I përket një legjende që e ka sjellë Napolin në krye të botës dhe na ka bërë të gjithëve napolitanëve të ëndërrojmë. I përket idhullit tonë”./K.T/Gijotina.com
