Mjeku Ermal Pashaj ka bërë thirrje për një pjesëmarrje sa më të gjerë në protestë, duke ftuar edhe qytetarët e pakënaqur brenda Partisë Socialiste dhe intelektualët që të bëhen pjesë e saj.
Ai shtoi se qytetarët që janë të pakënaqur me qeverisjen, edhe nëse vijnë nga radhët e socialistëve, janë të mirëpritur të bëhen pjesë e protestës.
Sipas Pashajt, protesta përfaqëson një nga format më të rëndësishme të opozitarizmit real në vend.
“Nga dita e parë deri më sot mendoj që idetë e mia i kam shprehur dhe do ti pres. Personalisht unë e kam dhënë kontributin tim, ashtu si mirëpres diasporën, mirëpres cilindo qytetar, aq më tepër intelektual që kanë një bagazh për të artikuluar, për të shkruar. Ajo do jetë zgjidhja.
Duhet të kemi parasysh një gjë, protesta është një pol shumë i fuqishëm real i opozitarizmit në Shqipëri. Bashkërendimi i të gjitha poleve opozitare, ashtu si kundër edhe të qejfmbeturve brenda PS, ne nuk e kemi këtë luftë me PS, ne e kemi me autokracinë. Pra janë të mirëpritur që të shprehen dhe të dalin dhe ta përkrahin, ashtu siç e përkrahën, mos kujtoni se nuk ka patur elementë të PS-së në ditët e para”, tha Pashaj në News24.
Discussion about this post