I dërguarit i posaçëm i SHBA për Ballkanin Perëndimor, Garbiel Escobar, do të zhvillojë ditën e nesërme një takim në Tiranë. Sipas Burimeve, Escobar do të mbërrij në Rinas në orët e para të mëngjesit dhe rreth orës 11:00 do të takohet me kryetarin e Partisë Demokratike, Lulzim Basha. Më pas, rreth orës 15:00, do të ketë një takim me ministren e Jashtme, Olta Xhaçka. Sakaq, bëhet me dije se Escobar do ta mbyll vizitën e tij me një takime kryeministrin Edi Rama në orën 17:00, ku nuk do të jenë të pranishme mediet.
Që prej marrjes së këtij posti, zyrtari amerikan ka zhvilluar vizitat e tij të para në Bosnjë-Hercegovinë dhe në Mal të Zi. Ndërsa, për ardhjen e diplomatit amerikan në Tiranë janë bërë aludime se ai do të diskutojë edhe për trazirat e krijuara nga çështja Basha-Berisha.
Discussion about this post