5 ditë përpara procesit zgjedhor për kryetar të Partisë Demokratike, kandidati Fatbardh Kadilli i është drejtuar me një mesazh demokratëve.
Ai shprehet se manifesti politik do krijojë mundësi për karrierë politike për anëtarët e thjeshtë të partisë. Kadilli apelon që duhet zhbërë monopoli i kryetarit duke themeluar një parti pluraliste dhe gjithëpërfshirëse.
“Të dashur demokratë: Shume prej jush më pyesin: çfare risie sjell Manifesti Politik per anetarin e thjeshte të PD? Përgjigja eshte vetem nje: “Garantimin e karrieres politike!”
Çdo anëtar mund të krijojë seksionin e vet, prej 5 vetësh apo më shumë, duke u bërë kryetari dhe duke marrë përgjegjesi. Le te behemi ne te paret, qe e zhbejme monopolin centralist të kryetarit, të themelojmë nje parti pluraliste, gjitheperfshirese, te forte ne territor, ku pushtetin e zoteron anetari i thjeshte, pa asnje kufizim ne kontribut dhe ambicje politike.
Ky është manifesti im politik. Unë jam Bardh Kadilli. Në garë për një PD të hapur, të pastër, të bashkuar, fituese”, shprehet Kadilli.
