31-vjeçarit Gerti Shehu, i cili goditi me grusht tre ditë më parë ish-kryeministrin Sali Berisha, Gjykata i ka komunikuar masën arrest me burg nga spitali.
Mësohet se avokati Nikolin Selimi ka kërkuar nga Gjykata masë më të butë sigurimi, si arrest shtëpie apo shtrim të detyrueshëm në spital për pacientin, por gjykata e ka refuzuar kërkesën.
Gert Shehu sulmoi Sali Berishën me grusht në fytyrë pak para se të niste protesta ditën e martë. Sipas Berishës, 31-vjeçari Shehu është “agjent i policisë kriminale”, ndërsa sipas policisë, 31-vjeçari është person me precedentë kriminalë dhe me çrregullime të shëndetit mendor.
Berisha u sulmua papritur nga 31-vjeçari, teksa po ecte nga selia e partisë së bashku me ish presidentin Ilir Meta, në drejtim të shëtitores “Dëshmorët e Kombit”, ndërkohë që në Tiranë po mbahej Samiti BE-Ballkani Perëndimor.
Discussion about this post