Godasin sërish iranianët, publikojnë tjetër dokument sensitiv

Iranianët vazhdojnë duke publikuar të dhënave sensitive të vendit tonë.

Pasi janë bërë publike të dhëna që kanë nxitur debate publike si pagat, por edhe të dhëna për funksionarë të lartë të shtetit, këtë herë hakerat kanë publikuar një dokument sensitiv.

Bëhet fjalë për bizneset që kanë të regjistruar në QKB shqiptarët, si dhe NIP-tet e këtyre bizneseve.

Publikimi edhe i këtyre të dhënave vazhdon të thellojë skandalin e nxjerrjes të të dhënave në vendin tonë.

Që prej vitit 2021, Shqipëria ka rënë pre e sulmeve kibernetike. Një sulm kibernetik u shënua më 15 korrik 2022, që bllokoi të gjitha faqet zyrtare shtetërore dhe platformën e shërbimeve online e-Albania.

Ndërkohë, më 14 shtator 2022 u sulmua sistemi TIMS në të gjitha pikat kufitare të vendit. Për këto sulme Shqipëria ka fajësuar Iranin dhe ka ndërprerë marrëdhëniet diplomatike me këtë shtet.