Kryetari i Aleancës për Ardhmërinë e Kosovës, Ramush Haradinaj, ka kërkuar sot që të mbyllet mandati i UNMIK-u. Përmes një deklarate për mediet ai tha se, vazhdimi i misionit të UNMIK-ut në Kosovë krijon vetëm konfuzion, prandaj ka ardhur koha që ai të përfundojë.
“Vazhdimi i misionit të UNMIK është vazhdim i konfuzionit për të gjithë. Ndërprerja e mandatit të këtij misioni është i nevojshëm dhe krijon qartësi institucionale”, ka shkruar ai.
Madje, edhe përfaqësuesi i Shteteve të Bashkuara në Këshillin e Sigurimit, Jeffrey DeLaurentis, ka thënë se duhet që UNIMK të përmbyllë mandatin e tij në Kosovë, pasi deri më tani nuk ka dhënë ndonjë kontribut ne rolin që i takon , ata të zgjedhjes së konflikteve.
“Ne e dimë që UNMIK-u nuk ka luajtur ndonjë rol kyç në zgjidhjen e tensioneve të fundit mes Kosovës dhe Serbisë lidhur me çështjen e targave. Shtensionimi i situatës përmes një mbështetjeje të përkohshme të ofruar nga KFOR-i tregon se organizatat e tjera mund ta bëjnë rolin e tyre më mirë. Ngjarjet e fundit edhe njëherë tregojnë se UNMIK-u ka përmbushur qëllimin e tij, që e ka pasur në mandatin origjinal. Ne duhet ta pranojmë këtë realitet dhe të vazhdojmë drejt përmbylljes së misionit të tij. Ky këshill ka përgjegjësinë që ta vendosë vëmendjen dhe burimet e tij në zonat dhe çështjet ku ka më së shumti nevojë”, tha Jeffrey DeLaurentis, në seancën e Këshillit të Sigurimit të Kombeve të Bashkuara, ku po diskutohet raporti 6-mujor për Kosovën.
