375 gjyqe nuk do të zhvillohen këtë javë nga bojkoti i lajmëruar dy ditë më parë nga Dhoma Vendore e Avokatisë Vlorë. Sipas vendimit ditën e martë dhe të mërkurë do të bojkotohen edhe masat e sigurimit, gjë që sipas avokatëve do të çonte në kolaps sistemin.
Sipas të dhënave nga kancelaritë pranë gjykatave, deri në këto momente nuk ka të parashikuara masa sigurimi. Sot ndryshe nga vendimi i Dhomës Kombëtare të Avokatisë i drejtuar nga Maks Haxhia, Dhomat Vendore në Vlorë, Shkodër, Lezhë, Gjirokastër, Korçë, Lushnjë dhe Pogradec, do të vijojnë bojkotin deri më datë 24 qershor.
Ndërsa në datën 21 dhe 22 qershor do të bojkotohen edhe masat e sigurisë, gjë e cila nuk ka ndodhur më parë dhe mund të shkaktoj kaos në drejtësi. Bojkoti 4 ditor i Dhomës së Avokatisë përfundoi pa asnjë reagim nga KLGJ apo Ministria e Drejtësisë, pavarësisht kërkesës së avokatëve që të shqyrtohej sërish harta e re gjyqësore.
Discussion about this post