Këshilli Bashkiak i Tiranës u përfshi pasditen e sotme nga debatet mes kryebashkiakut Erion Veliaj dhe këshilltarëve të opozitës, ku nuk kanë munguar nga batutat te akuzat e ndërsjellëta.
Një nga pikat e rendit të ditës ishte miratimi i një projektvendimi, përmes të cilës Bashkia e Tiranës i shtonte 600 mln lekë shtesë inceneratorit të Tiranës, edhe pse ky i fundit nuk ekziston.
Por Veliaj tha se qyteti është më i pastër dhe nuk mund ti lihet në dorë zhulanjosëse. Gjithashtu veliaj publikoi një dokument ku tha se Bashkia e Kavajës ka paguar 122 mln lekë në verë. “Ne do të shkojmë me kostum të paguajmë, kur ata të Kavajës shkuan me tanga e paguan tarifën në mes të verës, sepse ndryshe qyteti do mbytej nga plehrat”, tha Veliaj.
Por Tedi Blushi në një postim në rrjet akuzon Veliajn se fondin shtesë prej 600 mln që ia kalon inceneratorit e ka marrë nga zëri i arsimit të fëmijëve (420 mln lekë) dhe fondi i emergjencës (180 mln lekë).
Postimi nga Blushi
Erion Qelia i jep 600 milionë lekë shtesë inceneratorit inekzistent dhe nën sekuestro nga SPAK të Tiranës! (Dokumentat)
Me këtë akt skandaloz, Erion Qelia, që duhet të ishte marrë prej kohësh i pandehur për mega-aferën e inceneratorit, i ka propozuar sot Këshillit Bashkiak të Tiranës miratimin e një fondi shtesë me qëllim vazhdimin e vjedhjes.
VOTA IME DO TË JETË KUNDËR sepse nga këto 600 milion lekë, Erion Qelia i ka marrë 420 milionë lekë nga zëri i arsimit të fëmijëve të Tiranës dhe 180 milionë lekë i ka hequr nga fondi i emergjencës.
VOTA IME DO TË JETË KUNDËR sepse taksat e qytetarëve të Tiranës nuk mund të vazhdojnë të vidhen me vendim të Këshillit Bashkiak për llogari të mafies së inceneratorëve!
VOTA IME DO TË JETË KUNDËR sepse në vend të merrej me urgjencë i pandehur dhe të dilte para drejtësisë, Erion Qelia me ndihmën e “rilindasve” në Këshillin Bashkiak vazhdon të abuzojë me taksat e qytetarëve të Tiranës!
Kjo histori kriminale, që i bën karshillëk hetimeve të SPAK, duhet të marrë fund!
Discussion about this post